بودكاست: حول معرفتك الي بيزنس اونلاين عن طريق المنتجات الرقمية تربح منه باستمرار
هنتكلم في البودكاست دة عن المنتجات الرقمية و البيزنس اونلاين.. لو انت عندك مهارة او خبرة في مجال معين تحولة الي مصدر دحل رئيسي من المنتجات الرقمية …
1-ما هي قصتي وكيف بدات في مجال المنتجات الرقمية
السلام عليكم ورحمة الله معاكم كريم وائل من كريم وائل دوت كوم هاتكلم في البودكاست ده عن المنتجات الرقمية. ازاي لو انت عندك مهارة او خبرة في مجال معين تحوله الى مصدر دخل رئيسي كمان مش مصدر دخل جانبي لا ممكن يكون ده مصدر دخلك الرئيسي من المنتجات الرقمية تمام. الموضوع مش صعب وهاقولك انا قصتي ازاي بدات في المجال ده
اول حاجة لما بدات البحث عن الانترنت ازاي يعني اشوف وسائل الربح والانترنت في طريقة اضافية جنب مثلا وظيفتي فلاقيت في ناس كتير بيتكلمو عن موضوع المنتجات الرقمية يعني ايه ؟ الناس دي بتبيع كورس بتبيع كوتشينج تدريب بتبيع خدمة معينة على الانترنت كله طبعا رقمي مش حاجة يعني فيزيكال ملمومسة . وظهر مسمى جديد اللي هو الانفو برودكس او المنتجات الرقمية اللي هي معلومات يعني انت بتبيع معلومات تمام وده يعتبر هو التريند اللي هيمشي السنين الجاية كلها ان الناس بتبيع خبراتها ومعلوماتها بفلوس
تمام موضوع الفيزيكل دوت كان حاجة انما دلوقتي الديجتال برودكتس او المنتجات الرقمية ده حاجة تانية خالص ده المستقبل لما هتلاقي التريند جاي دلوقتي في سكوول ومنصات كتيرة بتعمل موضوع الكوميونيتي ان انت الناس هتشترك في كوميونيتي ده عبارة عن مجتمع كده مع الناس المهتمين بالمجال الواحد مثلا انت مهتم بمجال مثلا تربية القطط مثلا يعني فهتلاقي ان في ناس كتير مهتمين بالمجال دوت موجودين بس عايزين يتجمعو في مكان واحد فانت بتعملهم زي جروب فيسبوك كده بس بسوف وير معين معينة بتعمل الكلام ده افضل طبعا من الفيسبوك والحاجات العامة لا بيبقى حاجات مدفوعة مجتمع الناس دي كلها موجودة فيه في المنتجات الرقمية اللي هو الكورس
2-امثلة عن مجالات مختلفة من المنتجات الرقمية
بيشاهد الكورس مثلا تربية القطط ازاي والتركات اللي في تربية القطط والكلام ده كله وفي نفس الوقت الناس بتتكلم مع بعض وببتفاعل بقى شوف انا عملت النهارده ايه انا طبقت اللي في الكورس دوت انا عندي مشكلة فلانية فاذا لما تدمج الاتنين مع بعض يبقى ده المنتج بتاعك تمام فاذا المنتج بتاعك هو منتج رقمي اللي هو الانفو او البرودكت او الكورس تمام بالاضافة ان انت عامله حاجة اضافية اللي هو الكوميونيتي اللي هو المجتمع او جروب زي الجروبات الخاصة كده بالناس الي درسو الكورس ده
ده ببساطة موضوع المنتجات الرقمية او ان انت تبدا بزنس اون لاين بالحاجة اللي انت عارفها وخلي بالك ده مختلف من الشخص للتاني انت عندك مهارة معينة في حاجة معينة انت هتبقى مبدع فيها تمام .غيرك واحد في مجال البرمجة واحد في مجال مثلا الهندسة واحد في الطب واحد في مجال مثلا لو حتى لو مهارة بسيطة واحد مثلا تصميم المواقع مجال تقدر تعمله كل البزنس اللي انت تتخيله واحد تاني في مثلا لو مهارة او صنعه انت بتعملها على ارض الواقع يعني مثلا سباكة او نجارة اي حاجة زي كده اه انت ممكن تحولها لكورس
يعني خلي بالك الصناعات اللي هي مش كلها الكتروني تقولي طب البرمجة دي الكتروني لا يا عم انت ممكن تربية القطط دي مش الكتروني تربية الكلاب او الموسيقى انت بتعلم موسيقى اه اتعلم موسيقى هتجيب كل اللي انت عايزه مايك وكاميرا وتصور نفسك وانت بتعمل الموضوع دوت وتحولها الى كورس فاي حاجة في الدنيا ما تقوليش ما ينفعش تتحول لا هتتحول ينفع تمام في اي مجال في الدنيا. فاذا الموضوع سهل تمام واي حد دلوقتي يقدر يعملها طيب السؤال اللي هيجيلك في دماغك دلوقتي تقولي
3-ليه الناس هتجيلي انا ومش هتروح للناس الي اقدم مني في المجال دة
ده السؤال برضه اكيد جه في بالي انا كمان … اي مجال انت هتبدا فيه اكيد 100% في ناس عندهم اساسا بزنس قائم على المجال ده وعلى فكرة ده الصح و ده حاجة المفروض دي ايه تفرحك مش حاجة انها تهمدك يعني تقول لا طب ما الناس شغالة انا مين حد هيجيلي اصلا يتعلم مني الكورس ده ليه ؟؟ ما هو في 50,000 كورس على النت لا هيجيلك ناس اولا لانك انت تجربتك تختلف من تجربة شخص تاني تجربتك هنقول ايه في ناس عاملة كورسات في برامج الاوتوكاد مثلا او برامج الفوتوشوب تمام هنتكلم في الفوتوشوب مثلا الناس تعرفه كتير اكيد في هو كل واحد عامل كورس ليه وكورسات مدفوعة وكورسات مجانية
طب ليه الناس بتسيب المجاني وتروح المدفوع ؟؟ اسال نفسك السؤال دوت هتقولي طب الناس هتسيب المجاني وتروح مدفوع اه تمام . طيب سيبنا من المجاني دلوقتي احنا في المدفوع في 50 واحد عامل كورس المدفوع دوت ليه هيروح لده ومش هيروح لده وليه العميل هيجيلك انت مش هيجي لغيرك؟؟ ده سؤال اللي انت بتقعد تساله لنفسك اللي انت عارف ان انت تقوله ..بص دي شماعة انت بتعلقها لنفسك تقول لا مش هينفع ..لا هينفع قصتك انت غير غيرك ..تجربتك في البرنامج غير اي حد تاني في حد ممكن يفهم انت منك وما يفهمش من التسعة واربعين واحد التانيين
مش هاقولك مش معنى ان حد واحد ان هو شخص واحد لا نسبة كبيرة من من الكون كله يعني من كوكب الارض كله هيجيلك النسبة دي اصلا لو 1% انت يعني بقيت مليونير ماشي انا بقولك ان في نسبة بتفهم من حاجة معينة هيفهم منك انت مش هيفهم من غيرك اذا ما تحطش في دماغك موضوع الموضوع ده ناس كتير عاملاه اعمله انت وهتنجح فيه وهتتميز فيه كمان تمام بالاضافة ان الموضوع مش عشوائي زي ما انت متخيل ان ده في خطوات معينة بتعملها عشان تحسن من فرصة ان الناس تجيلك
4-اهمية ان يكون عندك براند خاص بيك في المنتجات الرقمية
انك تحسن البراند بتاعك او نتكلم بقى الجزء البراند الشخصي خلي بالك البيرسونال براند اهم حاجة دلوقتي وفي المستقبل كمان انت لو بدات من دلوقتي هتلاقي نفسك على مدى السنين الجاية لا البراند ده هينقلك نقلة جامدة سواء في وظيفة او سواء ان الاوفرات تجيلك من شركات تانية تمام كل ما تبني براند قوي هيجذب ناس مهتمين بالمجال بتاعك وهيجذب كمان شركات واوفرات بتجيلك بسبب ان انت بس اهتميت بموضوع البراند الشخصي او البيرسون براند اللي في ناس كتير جدا مش بتهتم بيه فانت هيبقى عندك ميزة تنافسية ان انت عندك موضوع البراند الشخصي
اللي هو اسمك تمام بمعنى اصح يعني زمان كان موضوع الشركات اكتر ناس بتهتم بموضوع كل واحد يعمل شركة. لا انت دلوقتي ان انت تعمل باسمك انت افضل من موضوع الشركة لانك انت لو براند شخصمي انت بنفسك هتبقى انت البراند وتبقى انت تعمل الشركة وكل حاجة هتبقى تحتك انت تمام الناس بتحب تتعامل مع الاشخاص المعروفين يعني مش مع البراند نفسه زي مثلا ايلون ماسك الناس بتحب تتعامل مع ايلون ماسك الراجل ده عمل تسلا عمل سبيس اكس كل يوم بيعمل مشاهدات جديدة وذكاء اصطناعي وبتاع ليه ؟؟
لان هو الراجل ده براند هو خلاص هو البراند لو بكرة عمل شركة جديدة هيجيله الاف المستثمرين وملايين الدولارات ومليارات الدولارات هتجيله اللي هو طلب بس ايه انه يعمل شركة جديدة وعايز مستثمرين هيجوله تاني يوم على طول ليه؟ لانه خلاص هو اسس البراند بتاعه وقيس على كده كل حاجة في الدنيا يعني فاذا الخطوة ال1 اللي انت تفكر فيها دلوقتي حالا هو انت بتسمعنا دلوقتي وما عندكش بيزنس اون لاين
ايه الخطوة الاولي اللي انت اللي انصحك بيها حتى لو مش عندك المنتجات الرقمية لسه او حتى انت ما تعرفش انت ايه الحاجة اللي انت بتحبها او ايه الشغف بتاعك ايه ؟انت تعمل براند شخصي خاص بيك طب هتقولي طب يعني اعمل ايه برضه مش فاهم ؟؟ا
طيب ايه الخطوات بكل بساطة بتبدا يكون ليك تواجد على وسائل التواصل الاجتماعي انت دلوقتي ما عندكش تواجد يعني هنفترض ان انت ما عندكش اي حاجة على وسائل التواصل الاجتماعي انت مستهلك فقط بتفتح الفيسبوك وتقلب بتفتح اليوتيوب وتتفرج بتفتح الانستجرام بتفتح كل الحاجات اللي بتتفرج مجرد مستهلك فقط انسى موضوع الاستهلاك ده خليك انت المنتج تمام انتج في المجال اللي انت بتحبه . الشغف بتاعك اكيد انت في حاجة دلوقتي انت مهارة موجودة في حاجة معينة تمام. شغفك في حاجة معينة في اي مجال زي ما قلتلك سواء ترفيهي او سواء مجال اللي هو شغل عادي ترفيه زي ما قلتلك شغل او ترفيه او هواية كل ده ممكن تعمل منه ملايين اه ان انت تحوله الى المنتجات الرقمية
5-خطوات بسيطة لكي تبدا بانشاء البراند الشخصي الخاص بك
1-تبني تواجد على وسائل التواصل المختلفة
اول حاجة تعمل قناة يوتيوب ده اساسي مش اختياري لو عاوز تدخل مجال المنتجات الرقمية . اي منتج محتوى او مقدم محتوى دلوقتي لازم يكون عندك قناة يوتيوب .. جوجل واليوتيوب هم الاتنين واحد تمام فاللي بيبحث في اليوتيوب لازم انت تظهرله فاذا الخطوة رقم واحد ان انت تفتح قناة على اليوتيوب .. هتقولي طب اسم القناة وبتاع خليها باسمك باي اسم ممكن تعدله بعد كده بس انت زي ما قلتلك انت براند خليها باسمك يفضل وشوف الاسماء اللي موجودة على اليوتيوب اكيد في
اسماء متشابهة حاول تجيب اسم يكون الاسم بتاعك عشان يكون ال الخاص بيك وما فيش مشكلة لو انت عايز تخليها مثلا حاجة مثلا انت زي ما قلنا مثال القطط ده فمثلا انت كريمkareemCats مثلا اي حاجة زي كده يعني
تربط ممكن تجيب كلمتين كلمة باسمك زائد كلمة بالحاجة بس خلي بالك دي هتبقى فيها مشكلة ان انت لو حددت المجال دوت فانت المفروض هتمشي عليه على طول .القطط مثلا مش تيجي بعد شهر تقول لا الكلاب طب تيجي بعد شهر تقول لا البرمجة …. لا يبقى انت كده بقى يبقى انت ابدا باسمك بقى ودي ميزة يكون البراند بتاعك هو اسمك انت اسمك كذا كريم وائل مثلا هاعمل اللي انا عايزه (برمجة تسويق الكتروني هندسة.. )اتكلم فيه براحتي يعني بس مش معنى كده ان انت تعمل اسمك يعني تنزل محتوى عن اي حاجة في الدنيا
لكن انا بقولك يفضل ان انت يكون باسمك البراند بتاعك اللي هو اسمك تمام كبداية وزي ما قولتلك انت ممكن تعدل بعد كده في الاسم بتاعك يعني بيبقى الخطوة الاولي تعمل قناة على اليوتيوب ودي خطوة مهمة جدا في مجال المنتجات الرقمية
2- تستهدف منصة من منصات الوسائل التواصل
سواء مثلا تشوف المتابعين بتوعك موجودين فين الناس اللي انت بتستهدفهم في الشغل بتاعك هل موجودين على الفيسبوك كان مثلا مصريين او اغلب مثلا المصريين موجودين على الفيسبوك فانت مستهدف مصريين ولا انت مثلا مستهدف العملاء بتوعك المحتملين موجودين مثلا في دول الخليج فانت ممكن تجرب تويتر تمام ولا عايز تجرب انستجرام فانت بتبدا تشوف المنصة او منصتين زي ما انت عايز بس عشان ايه مش تتشتت اليوتيوب اساسي + منصة من منصات التواصل الاجتماعي
زي ما قلتلك تشوف الناس اللي انت مستهدفهم قاعدين فين وتروح تعمل محتوى في المكان ده موجودين على الفيسبوك خلاص هانزل محتوى على الفيسبوك ابقى هاعمل صفحة باسمي على الفيسبوك وابدا انزل محتوى بالحاجة اللي انا باعملها تمام. مش هنبيع حاجة في الاول .. انت بتنزل محتوي فقط عشان جمهورك يتعرف عليك
