افكار تسويقة وطريقة تاسيس بيزنس ساس SAAS جو هاي لفل
هنتكلم في المقالة دي عن طريقة تاسيس بيزنس ساس جو هاي لفل SaaS (Software as a Service) وكيف تحقق ارباح الأف الدولارات من خلال بيع وتسويق البرنامج للعملاء
1-تعريف ساس جو هاي لفل
Saas هي اختصار لجملة (Software as a Service) يعني انت بتقدم السوفت وير بتاعك كخدمة .. لان في الوقت الحالي دة نظام اغلب الشركات والبرمجيات غير زمان كنت بتشتري البرنامج مرة واحدة فقط زي الانتي فايرس مثلا والبرانامج بيكون ملكك ..حاليا النظام اتغير بقي معظم البرامج بتجديد شهري مثل نيتفلكس وخدمة اليوتيوب بريميم
دة بيخلي فريق التطوير تبع البرنامج انه يحدث ويتطور من نفسة باستمرار وتكون الخدمة جيدة دائما اما لو كان البرنامج مرة واحدة بتشترية كدة مش هيقدر يقدملك التحديثات عشان يعرف يصرف علي فريق المطورين بتاعه ..
نفس الكلام بتعملة ساس جو هاي لفل لان الشركه بتوفرلك كل البرمجه جاهزة وبتقولك خد البرنامج واعمل له تسويق فقط – لان اي حد عاوز يعمل ساس سوفت وير بيعمل ايه ؟ ببساطة بيجيب فريق عشان يبرمج الفكرة الي عندة لان انت عندك فكره معينه عاوز تبرمجها الي برنامج وتبدا تبيع البرنامج دة للناس ويبدا يشترو منك بشكل شهري وتصرف بالفلوس دي علي تطوير الفريق بتاعك المبرمجين وتصرف علي الماركتينج والتسويق للبرنامج
2-ساس جو هاي لفل تتكفل بالبرمجة والتطوير
دلوقتي ساس جو هاي لفل هتوفرلك السوفت وير جاهز ليك انت تعملة وايت ليبل باسمك وانت عليك الماركتينج والتسويق للبرنامج ودي الفكرة في موضوع ساس جو هاي لفل هما مش بيهتمو بالتسويق .. هما فقط بيهتمو بتطوير البرنامج وتحديثة باستمرار واحنا دورنا كمسوقين نعمله الماركتينج والدعايا
ماذا يستفيد جو هاي لفل من بيع البرنامج ليك وكمان يكون باسمك ؟
الاستفادة بتاعتهم انك بتدفعلهم الاشتراك الشهري حسب علي خطة انت مشترك فيها الي عباره عن 3 باقات
لو دخلنا علي saaS Configurator انت تقدر تتحكم في الاسعار الي انت عايزها في الباقات ممكن تبيع الباقة ب 97 او 297 وانت في كل باقة بتحدد Features معينة يعني المكسب كله ليك انت وساس هاي لفل بتاخد منك اشتراك شهري فقط 497 دولار مثلا كل شهر لو انت جبت اي عدد من العملاء سواء 10 او 1000 وكل عميل دفعلك 97 كل دة بيبقي ربح ليك انت
لو دخلنا علي Edit Details تقدر تغير اسم الباقة الي انت عايزة وشرح ليها
ممكن تبيع الباقة الاولي دي مثلا 197 او 300 حسب انت بتقدم ايه مع الخدمه بتاعتك وشوف اسعار المنافسين ماشيين ازاي وانت بتحدد السعر حسب الخدمات الي بتقدمها مع الخطة دي ممكن تقدم خدمة للعميل فانل + ويب سايت للموقع بتاعه وتعملة فورم يحصل بيها علي بيانات العملاء الي بتسجل في الموقع طبعا هتديلة الخدمة بسعر اعلي
Features انت هنا بتحدد الخصائص الباقة بتاعتك الي يشترك مثلا في الباقة الاولي standard يحصل علي الحجات الي انت بتحددها فقط
Trial and Credit
العميل لما يشترك معاك اكيد هيصرف علي الايميلات الي هيبعتها للقائمة البريدية بتاعته وانت طبعا بتحاسب العميل دة علي اسعار الايميلات وتقريبا كل 1000 ايميل = تقريبا 70 سنت فانت ممكن تحاسب العميل علي 1 دولار وتكسب انت الباقي انت بتحاسب ساس هاي لفل علي الايميلات ( بالمناسبة سعرهم ارخص سعر موجود في السوق حاليا ) وانت بتحاسب العميل وبتعمل هامش ربح من موضوع الايميلات
انت ممكن تعطي للعميل بونص 10 دولار يستخدمهم في الايميلات او الاتصال عشان يجرب الخدمه او ممكن مش تديلة بونص عادي وهو لما يحتاج رصيد يدفعلك
Rebilling
ساس هاي لفل بتوفر phone system انك تشتري رقم امريكي وترسل رسائل Sms وتتصل بالعملاء من الرقم الامريكي من داخل المنصة وانت بتحسب هامش الربح ليك كما موضع بالصورة
طبعا هاي لفل اسعارها ثابتة لكن انت ممكن تزود هامش الربح انك تتحكم في سعر الرسالة او المكالمة علي العميل .. موضوع الساس هاي لفل بيمشي بالشكل دة بيبقي مكاسب بسيطة لكن مع كثرة العملاء بتحقق مبالغ كويسة في اخر الشهر مع اكثر من عميل
Emails:
العميل هيبعت ايميلات من المنصة بتاعتك سعر ساس هاي لفل للايميل باقل من سنت للرسالة انت لو عملت هامش ربح 1.5 يبقي ال10 دولار = 1000 رسالة ولو زودت هامش الربح بتاعك 3 x هتبقي ال10 دولار هتخلي العميل بتاعك يبعت 5000 رسالة وهكذا…
طبعا لما يكون عندك عملاء كتير هتقدر تحقق مكسب كويس من موضوع الرسائل والايميلات لان الاونلاين بيزنس اصلا مبني علي الرسائل
شرح باقي الخصائص ستجدها في هذا الفيديو
3-افكار تسويق باستخدام منصة هاي لفل
1- افكار تسويق في مجال العقارات
بيجيلي الكثير من الاسئلة بخصوص تسويق الاداة بتاعتك وتعملها White label زي ما اتكلمنا قبل كدة ازاي تعمل وايت ليبل في اداة هاي لفل ولينك الفيديو هتلاقية هنا …. طب ايه هي اداة هاي لفل باختصار هي اداة بتمكنك انك انت تعمل تسويق الكتروني لاي بيزنس موجود في العالم ( عقارات- هندسة – مجال الكوتشينج والاستشارات- الطب …) اي شيء حرفيا
بس انا هشرح في الدرس دة مثال افكار تسويق عن مجال العقارات ودة بينطبق علي كل حاجة بعد كدة لانه السيستم الي انت هتتبعه واحد في كل المجالات
ازاي ابدا البيزنس التسويق العقاري ؟
انت بتروح للشركات الي متخصصة في مجال التسويق العقاري الي بتبيع شقق واراضي ومساحات طبعا لازم يكون عندك خبره في المجال دة فانت اختار المجال الي انت هتحددة يكون عندك خبرة فيه عشان تعرف تقنع الي ادامك انه هو يشتغل معاك …. انت ببساطة هتقولة انا هجيبلك مبيعات من الهوا يعني واخد نسبة علي كل مبيعه فالراجل هيوافق لانه انت مش بتقوله انا عاوز فلوس في الاول …. فانت مش هتطلب منه فلوس في الاول في حالة انه انت مش عندك شغل سابق فصاحب العمل اكيد هيرفض لانه مش ليك شغل سابق قبل كدة في المجال ومش شاف نتائج
فالفكرة هنا ايه ؟ انت هتقولة مش هاخد منك اي فلوس في الاول … لكن هتدفع نسبة علي كل مبيعه هجيبهالك . انت هتجيب قائمه العملاء بتوعك ( list ) اكيد اي شركه عندها قائمة للعملاء متسجلة عندهم الي هي اسم العميل ورقم تليفونه وايميلة حسب نوع التسويق بتاعهم ماشي ازاي
فالعميل اكيد معاك اسمه + ايميلة او رقم الهاتف
في مجالات شغاله تسويق بالايميل وفي مجالات تانية شغاله تسويق برقم الهاتف وفي مجالات تسويق بالرسائل SMS .. حسب كل مجال وكل دة موجود علي منصة هاي لفل
فانت لو روحت لصاحب العمل قولته كدة . هيديك اللسته بتاعته طب انت هتعمل ايه بعد ما تاخد بيانات العملاء بتوعه ؟
الي هتعمله ببساطة حملة تنشيط للعملاء reactivation campaign
طب قائمة العملاء المحتملين الي عنده دول جاب بياناتهم ازاي؟ اكيد عمل اعلانات قبل كدة فالعميل سجل وكتب بياناته عشان يشوف الاعلان ومش اشتري نسبة كبير جدا من الناس مش هيشتري.. بس بيكون عندهم لسه نية الشراء
2-تطبيق عملي افكار تسويق العقاري علي منصة هاي لفل
1-Import Data
بتدخل علي Contacts من داخل منصة هاي لفل وبتعمل import تصدير منصة هاي لفل فيها خاصية جميلة جدا انك تعمل import للقائمة العملاء فصاحب البيزنس هيديك الاكسيل للعملاء الي عندة باي عدد سواء 1000 عميل او مئات الالاف من العملاء بتاخد الملف وتعمل import عندك في المنصة عن طريق حساب sub account جديد لانه يفضل انك تعمل اكونت جديد لكل عميل عندك زي ما شرحنا في درس الوايت ليبل انت عندك امكانية غير محدودة لعدد العملاء الي تعملهم في الباقة unlimited
وبتعمل Upload للسته الي هو اداهلك والي فيها عدد العملاء … وهيبقي عندك العملاء ظاهرين بالشكل دة . طب ايه الخطوة الي بعد كدة ؟
2-Automation
الخطوة الي بعد كدة تعمل اوتوميشن للناس الي موجودة في الليسته دي … نعمل Create Work flow – From scratch
والجميل في الموضوع ان الاوتوميشن دة بتعمله مرة واحد بس في مجال العقارات مثلا لو انت متخصص فيه هتسجلة مرة واحدة زي القالب وهتقعد تبيعه لكل الشركات
علي حسب مدة الحملة التسويقية بتاعتك مدة اسبوع او اسبوعين حسب المدة الي انت عايزها
يعني تعمل بين كل رسالة والتانية فتره wait 1 day وهكذا لحد ما تخلص الحملة كلها
وممكن تحط بعد كل رسالة sms لينك للعملاء يضغطوا عليه او لو العميل رد بكلمة معينه تجعل الاداة ترد علية برسالة معينه للحاجة الي هو مهتم بيها
في الاداة اسمها IF Else
طبعا موضوع الاوتوميشن دة بحر كبير جدا وفية افكار تسويق كثيرة وان شاء الله هنعمل مقالات وفيديوهات كتير عنه الفترة الجاية
لكن المهم دلوقتي انك تعرف توضيح للفكرة مثلا ازاي افكار تسويق للعقارات مثلا بتبقي بالشكل دة .. صاحب البيزنس بيديك اللسته وطبعا الماركتيتج في المجال دة انت فاهمه انت فاهم نظام التسويق العقاري ماشي ازاي الراجل دة بيبيع شقق معينه واراضي وهكذا انت بتقسمها لفئات وتبدا تعملها في الحملة دي وتدخل كل اللسته الي فيها مثلا 1000 عميل في الاوتوميشن دة اذا هيتبعت ليهم رسائل كل يوم لمدة مثلا اسبوع او اسبوعين علي حسب حملتك التسويقية وهتقولة في الاخر فية عرض معين علي الحجات الي الشركه دي بتبيعها
وفي الاخر هتعمل لينك للحجز داخل سيستم هاي لفل انه يتكلم مع مسئول خدمة المبيعات في الشركة دي لان كل شركه فيها شخص او فريق مسئول عن المبيعات فانت في الرسائل بتاعتك بتحط رابط بيوصل العميل لمسئول المبيعات مباشرة بحيث العملاء المهتمين يقدرو يتواصلو مع الشركة
خلي بالك الي بقولك علية دة بيمشي في جميع المجالات احنا اتكلمنا هنا عن مثال العقارات لكن النظام دة بيمشي علي جميع البيزنس هي نفس الفكرة
لان الهدف الاساسي من كل دة انك تجيب عميل عنده نية الشراء وتوصلوا بالشركة فانت يعتبر حلقة وصل بين الطرفين
وانت بتاخد نسبة علي المبيعات يعني مثلا لو جالك من 10000 عميل اشتري مثلا 50 شخص فانت بتاخد نسبتك المئوية من المبيعه علي حسب المتفق عليه مع الشركة وطبعا صاحب الشركه لما يلاقي انه عمل مبيعات من خلالك هيحتاجك بعد كدة انك تكمل معاه في الشغل وتعمله موقع وصفحات وهكذا … فانت كسبان في كل الحالات
طبعا الاوتوميشن مهم جدا واحنا اتكلمنا عنه في الكورس المجاني اضغط هنا للاشتراك لو انت مش مشترك عملنا فيديو كامل مخصوص اتكلمت فيه عن الاوتوميشن وافكار التسويق
للتسجيل بمنصة هاي ليفل والحصول علي 14 يوم فترة مجانية ( تاكد من عدم وجود اد بلوكر اثناء التسجيل) :
https://www.gohighlevel.com/?fp_ref=karim40
واتكلمنا في الكورس المجاني بالتفصيل ازاي تعمل حسابات في منصة هاي لفل
Disclosure: I am an independent HighLevel Affiliate, not an employee. I receive referral payments from HighLevel. The opinions expressed here are my own and are not official statements of HighLevel.
