هنتكلم في المقالة دي عن اهمية القائمة البريدية وليهم اهم من السوشيال ميديا …اذا كنت صاحب عمل اونلاين فيجب ان تهتم بالحصول علي البريد الالكتروني للزائر وسنشرح لماذا القائمة البريدية اهم من السوشيال ميديا للحصول علي عميل محتمل.

هنتكلم علي اهم 3 اسباب ليه القائمة البريدية اهم من السوشيال ميديا

1-المتابعين علي السوشيال ميديا متفرجين

. عمل متابعة او اعجاب هو اسهل شيء بيعملة المتابع ولا يكلف مجهود بعكس وضع ايميل والتسجيل في موقعك ويعتبر مهتم بشكل كبير بالمنتج بتاعك الي انت بتقدمة.

. اما المشترك في القائمة البريدية فهو interested مهتم بالي بتقدمة فهو يعتبر عميل محتمل فبنسبة كبيرة هيشتري منك منتجات بعد كدة طبعا انت بتخلية يكتب ايميله ويسجل عن طريق انك بتقدمله حاجة مجانية سواء كورس مصغر او PDF , والايميل الي انت اخدته دة هتقدر تسوق منتجاتك بقي بعد كدة من خلاله

اذن السوشيال ميديا اي حد ببساطة هيعمل لايك ومتابعه هتلاقي بالكتير 20% هما الي مهتمين بالي انت بتقدمة وممكن يشترو منك اما القائمة البريدية التحويل بتاعها اعلي بكتير لانه كتب الايميل وبتاعه واخد اكشن فبنسبه كبيرة ممكن يتحول الي عميل فعلي ويشتري منك بعد كدة المنتج او الخدمه الي انت بتقدمها

2-السوشيال ميديا لا تملكها عكس الايميل انت تتحكم فية

. (Facebook – instagram – twitter )كل المنصات دي خاضعه لاصحاب الشركات ممكن في اي وقت يغير القواعد بتاعتها ويجعل البوستات مش تصل لكل المتابعين بتوعك بنلاقي ان احيانا التويتر او الفيس بوك المنشورات الي بتنشرها بتصل الي 20% فقط من متابعينك او اقل كمان .. وهو بيعمل كدة ليه ؟

عشان ببساطة تدفع فلوس عشان تعمل اعلانات مموله وتصل منشوراتك لجميع المتابعين علي صفحتك ويحققوا ارباح من خلال الاعلانات دي لانهم عاوزين يستفيدو اقصي استفادة ممكنه من خلالك.

ودة عكس الايميل انت ممكن تبعت في اي وقت رساله لجميع المشتركين في القائمة البريدية بتاعتك حتي لو كانو عشرات آلاف تبعتلهم خبر معين او اعلان عن منتج او كورس جديد وهكذا بدون اي قيود.

. انت تبني عملك علي منصة شركة اخري.

. اذا غيرو القواعد في اي وقت فانت الخاسر.

. Email list : you own it

. يمكنك التواصل مع المشتركين بقائمتك البريدية في اي وقت وعرض خدماتك ومنتجاتك.

3- ماذا تفعل الشركات والبراندت المشهورة

. لو فتحت اي صفحة لاي شركة مشهورة او براندات مشهورة مثل شركات الملابس والاحذية … هتلاقي اول حاجة موجودة في الصفحة الرئيسية اكتب ايميل وستحصل علي ( عرض-بونص-كود خصم … ) ليه الناس دي مهتمة انها تحصل علي الايميل بتاعك؟ لان دة اهم شيء دلوقتي جميع الشركات الكبري بتتواصل مع اي شخص عن طريق الايميل

طبعا عشان العميل يتحفز انه يشترك ويكتب ايميلة بتعمله عرض او offer معين هيتسفيد منها حالا كورس مثلا هيحل عنده مشكلة بيعاني منها يقوم العميل يشترك مباشرة ويضع الايميل بتاعه.

علي سبيل المثال : اليوتيوب مثلا بيبعتلك الرساله عشان يتواصل معاك بشان تفعيل اي خدمه من خدمات جوجل او اجراء تحديثات معينه عن طريق الايميل.

. Money is made in email List : كل الفلوس بتتعمل من خلال القائمة البريدية يعني انت ممكن تعمل حملة تسويقية للمنتج بتاعك خلال شهر عن طريق الايميلات وتدخل الأف الدولارات…

اذن الخلاصة من الفيديو دة انك لازم تهتم بالقائمة البريدية بتاعتك – يكون عندك Lead Magnet هنبقي نعمل مقالة ليها بعدين دة الي بيخلي الناس تجيلك وتسجل الايميل

ومش معني كدة انك تترك السوشيال ميديا , اهتم برضه بيها لان شغلك انت بتعرضة علي المنصات دي لو عندك قناه علي اليوتيوب او الفيس بوك وانستجرام الي انت بتعملة بتنشره علي جميع المنصات ولكن لازم يكون هدفك الاول من وسائل التواصل انه بيضغط علي اللينك يروح لحاجة اسمها ضع ايميلك الان لتحصل علي كذا …

ودي كانت اهم 3 اسباب بتوضحلك لية الايميل ليست اهم من السوشيال ميديا . اتمني تكون المقالة افادتك بشكل كبير وانتظرو المزيد من المحتوي المميز خلال الفترة القادمة.