هنتكلم في المقالة دي عن اهم الادوات الي انت هتحتاجها عشان تبيع كورساتك اونلاين , وهنشرح الخيارات المتاحة الي انت تعملها وايه الاسعار الي هتدفعها عشان تبيع الكورس بتاعك اونلاين

1- عشان تبيع الكورس بتاعك اونلاين محتاج:

1- تعمل منصة خاصة بيك انت تجمع الادوات(plugins) من الصفر لو انت هتشتغل علي WordPress ميزته انه مجاني لكن كل الplugins مدفوعه عشان تعمل صفحة الهبوط وصفحة البيع والfunnel كلها مدفوعة ..

*LearnDash اضافة علي الوورد بريس بتمكنك انك تضع الدورس بتاعتك علي الصفحة وبيكون فيها تقسيمة الدروس ومنطقة الاعضاء وتسجيل دخول وهكذا … تعتبر منصة خاصة بيك وهي تعتبر اهم اضافة للوورد بريس بالنسبة للكورسات ودة يعتبر افضل اضافة حالية.

*عشان تبيع الكورس بتاعك انت محتاج تعمل صفحة هبوط sales page الي بتتكون من فيديو انت بتتكلم فيه عن الكورس بتاعك + منطقة اشتري الان الي هتنقلة الي صفحة Checkout Page صفحة الدفع الي فيها بيانات الفيزا بتاعة الي هيشتري الكورس … طيب الحجات دي هتشتغل ازاي ؟؟ محتاج اداة موجودة علي الوورد بريس اسمها Funnel Kit وفي حاجة تانية اسمها cart flow.

دة يعتبر مبدئيا الحجات الي محتاجها عشان تبدا تبيع كورس: LearnDash و Funnel kit دة الي بيعملك الفانل و يعملك السيستم وبيربط كله ببعضه وكمان بيعمل الاوتوميشن كمان وسيستم الايميلات للناس الي هتسجل.

2-في خيار تاني لكنه اغلي من الوورد بريس لكنه اسهل بكتير من الوورد بريس:

Kajabi : منصة متخصصة لبيع الكورسات متخصصة في digital products زي الكورسات والكوتشنج اي حاجة ديجيتال.
Click Funnel: يعتبر من المنصات المتميزة في موضوع بيع الكورسات.
Teachable: هنتكلم برضه علية هل هو مفيد ولا ولا؟ وايه الفرق بينه وبين Kajabi وClick Funnel.

2-الفرق بين المنصات المختلفة:

1-منصة Teachable

دي عبارة عن انك بترفع الكورسات بتاعتك عليها المشكلة بتاعتها ان سعرها عالي مقارنه بالوورد بريس .. غالبا الي بيشترك بيختار باقة Basic 39 دولار في الشهر بتدفع سنويا.

*بياخد منك نسبة علي المبيعات 5% لانه مزود الدفع وكل حاجة بيكون عن طريقهم وهي بتملك كل حاجة انت فقط بترفع الكورس بتاعك علي المنصة .

2- click funnel

تعتبر برضة من المنصات الجيدة بيعملك نظام الكورس وبيقسمهالك + منطقة الاعضاء المحمية MemberShip وبيعمل الفانل … بس فيه عيوب هنشرح دلوقتي

تعال نشوف خطة الاسعار :

طبعا لو انت مبتديء هتختار الخطة الشهرية الي تكلفتها في الشهر 147$ (موقع واحد-20 فانل – 3 مستخدمين – دومين واحد فقط – 10000 ايميل)

دة يعتبر سعر عالي بالنسبة لحد لسه مبتديء في مجال بيع الكورسات .. ويعتبر باقة Pro هي المناسبة لانها غير محدودة شوية لانك اكيد هتتخطي ال10 الأف contacts.

طبعا زي ما انت شايف انه بيوفرك كل حاجة في منصة واحدة لكن السعر كبير لو انت لسه واحد مبتديء ولسة جديد في المجال ممكن يواجة صعوبة شوية بالاضافة انه فيه بعض العيوب الناس بتقابله في click funnel وكمان Kajabi

وفية اوبشن تاني متاح وغير محدود في الContacts اسمه GoHighLevel خيار ممتاز جدا وفيه كل حاجة تتخيلها ( فانل-كورسات-اوتوميشن…) 97$ فقط في الشهر وافضل بكتير من الclick funnel

3-منصة Kajabi

ميزته انه شغال في المنتجات الرقمية فقط زي بيع الكورسات والكوتشنج وهو يعتبر من المنصات المتميزة في المجال دة ومش بتحتاج plugins الموقع فيه كل حاجة انت بس بترفع الكورسات والدورس وتقدر تربط بيه stripe .

تعال نشوف خطة الاسعار طبعا زي ما انت شايف الباقات محدودة برضة 149$ شهريا ( مش بياخد عمولة علي البيع-3 كورسات فقط الي تقدر تبيعها-3 فانل فقط -10 اللاف ايميل فقط يعين الناس الي تسجل عندك دة اقصي حد مسموح بية )

لو عملنا مقارنه بالسعر بينه وبين click funnel هنلاقيهم قريبين جدا من بعض لكن مهما كان السيستم قوي لكن فيه مشاكل وعيوب هتقابلها ومش هتقدر تتخطاها لانها سيستم كامل عكس الوورد بريس فيه مئات الplugins تقدر تختار ما بينهم في اي وقت وتعدل فيهم لكن هنا مفيش سواء علي kajabi او click funnel انت مربوط بالقوالب الي هما عاملينها واي خطاء فيهم بيسبب مشاكل كبيرة

وكمان في عيب كبير في Kajabi انه مش بيدعم اللغه العربية حتي الان هتلاقي ان الكلام ملخبط والايميلات ملخطبة لو انت بتبيع للوطن العربي وبتستهدف عرب فيعتبر kajabi مشكلة بالنسبالك.