اهم فانل تحتاجه لبناء بيزنس اونلاين

هنتكلم في المقالة دي عن اهم فانل مبيعية لبناء بيزنس اونلاين وتقدر تحقق منه ألاف الدولارات شهريا بطريقة بسيطة جدا وبدون تعقيدات

 

1-الفانل دي هتفيد مين لبناء بيزنس اونلاين

اول حاجة الفانل دي هتفديك لو انت شخص بيبيع منتجات اونلاين وخدمات كوتشينج او كورسات اونلاين السيلز فانل دي هتكون قوية جدا ليك ..اذا اي منتج رقمي تقدر تعمل علية الفانل دي وتزود بيها بيزنس اونلاين الخاص بك

الفانل دي لازم تكون بسيطة وغير معقدة في تصميم صفحات الهبوط . الموضوع لازم يكون بسيط وليس معقد وتصميمات كثيرة في الصفحة لان البساطة هي الي بتزود نسبة التحويل العملاء في البيزنس اونلاين ايا كان الي انت شغال فية

1-opt in page
يعني فيه زائر دخل الصفحة بتاعتك والي هي عبارة عن حاجة انت بتبيعها لكن هتعمل منها منتج مجاني .. انت مثلا بتبيع كورس عن تعلم البرمجة فانت لازم تعمل للعميل بتاعك انت تبيع له حاجة مجانية ياخد تجربة في الكورس دة .. ممكن تفتحله او درس مثلا وتعملة في هيئة صفحة ولو العميل عجبة الدرس واسلوبك في الشرح هيبدا يشترك معاك ويدخل في باقي الدروس

اذا صفحة opt in ممكن تكون درس او PDF او محاضرة مجانية وغالبا مدة الدرس 30 دقيقة مش اكتر من كدة او ممكن تعمل ميني كورس يعني كورس مجاني مصغر للحاجة الرئيسية بتاعتك , انت لو بتبيع كورس رئيسي مفيش مانع انك تاخد منه درس او درسين وتعرض الميني كورس المجاني

مقابل كدة الزائر بيكتب اسمة+ ايميلة في الصفحة دي ودة هدف الصفحة انت تاخد بيانات عميل مهتم بالمجال الي انت بتقدمة ..عشان بعد لما يكون عندك قائمة بالعملاء تبدا تتواصل معاهم وتبعت لهم رسائل اوتوميشن فيها محتوي وترويج لكورساتك بعد كدة

بعد العميل يدخل بياناته في صفحة opt in هيروح بعد كدة علي صفحة تانية Thanks page نشكر العميل علي انه سجل في الكورس بنجاح .. ولكن الافضل انك في الصفحة دي تضع offer للعميل بمنتج او كورس ب 50 دولار مثلا والاوفر دة بيكون عبارة عن حاجة انت بتبيعها ولكن بخصم معين وهتلاقي ان في ناس ممكن تشتري منك في خلال الصفحة دي

في نسبة من الناس قد تصل 5% انه يشتري منك الاوفر دلوقتي ..عندة مشكله وعاوز يحلها دلوقتي من خلال الكورس الي انت بتقدمة لانه شاف محتواك قبل كدة علي اليوتيوب وعلي مواقع التواصل الاجتماعي يعني العميل دة متعرف عليك قبل كدة .. والفانل دي بتجيب نتائج ممتازة جدا في اي بيزنس اونلاين انت شغال علية

 

اذن الفانل البسيطة دي انت اخدت فيها بيانات العميل اسمه وايميلة ودخل علي الاوفر وفي احتمالية انه يشتري وممكن لا والي اشتري دة غالبا ممكن يشتري منك حاجات بعد كدة ويتشري منك الاوفر او المنتج الرئيسي الي انت بتبيعه بعد كدة

طب العميل دة لو مش اشتري ؟ نسبة 90% من الناس مش هتشتري من الصفحة دي بس في نسبة 5% يشتروا منك ودة علي حسب البيزنس اونلاين الي انت متخصص فية. طيب العملاء الي مش اشتروا هتعمل معاهم ايه ؟ ببساطة هتعمل لهم ايميل اوتوميشن عبارة عن مجموعه ايميلات متسلسلة كل يوم انت بتعملها مسبقا

2-مثال علي فانل في بيزنس اونلاين خاص بي

هنتكلم الفانل دي عبارة عن ايه وازاي تعمل صفحة الهبوط optin-page الي فيها العميل بيكتب اسمة وايميلة وبيتسجل عندي في السيستم وابدا ابعتله لمدة 5 ايام مثلا .. وكل يوم يتبعت له ايميل بشكل اوتوماتيكي عن طريق الاوتوميشن

اولا حاجة فتحت الفانل جو هاي لفل الي فيها الكورس المجاني

دي الصفحة الي انت سجلت من خلالها.. عبارة عن صفحة هبوط بسيطة جدا فيها شوية معلومات ( عنوان – وما الذي ستتعلمة في الكورس ) طبعا حسب المجال بتاعك لو بتعمل عن البرمجة – الرسم – الديجيتال ماركتينج .. ايا كان المجال الي انت فاهم فية حتي لو تربية الحيوانات الاليفة زي القطط والكلاب وفي ناس كتير بتححق ارباح كبيرة من المجال دة .. يعني بتعدل المحتوي والصور علي حسب المجال

طبعا اهم حاجة في محتويات صفحة الهبوط انها بتكون فيها زر واحد فقط.. لا فيها منيو من نحن – اتصل بنا – الاسئلة الشائعة .. لا الفانل بتبقي مركزة علي شيء واحد فقط زر واحد فقط حتي لا تشتت العميل بحيث لما بضغط علي الزر

تفتح هذة الصفحة ادخل اسمك + ايميلك حتي تحصل علي (الشيء المجاني) سواء كورس او كتاب او ملف PDF او محاضرة مجانية

بعد كدة صفحة Thank you page

هنا عملت للعميل اوفر بحيث تستفيد انه ممكن يشتري منك دلوقتي لان 100% من الناس هتشوف الاوفر بعكس الايميلات .انت ممكن تبعت ايميلات كتير للشخص ومش يفتحها ولكن الصفحة دي كل الناس هتشوفها لانه هو بنفسة لسة مسجل بياناته

صفحة البيع الي انت بتعملها VSL عبارة عن فيديو مبيعي ومبادي الصفحة بتكون بسيطة عبارة عن عنوان وتحت منه فيديو وفي زر الاكشن الي بيكون اشتري الان .. وبيكون تحت اراء العملاء السابقين في الكورس بتاعك

اهم حاجة في الصفحة العنوان يكون جذاب وفيه حل المشكله الي العميل جايلك عشانها والفيديو مش يكون كبير يفضل لا يزيد عن 20 دقيقة وتشرح فيه الحاجة الي انت هتتكلم فيها وتعمل زر CTA اشترك الان

هتكتب هنا ما الذي ستحصل علية لان اي اوفر انت بتبيعه لازم توضح للعميل ايه الي هيحصل عليه في نقاط تحت بعضها بالشكل دة

 

3- ما هي الخطوة القادمة لبناء بيزنس اونلاين ناجح؟

انت كدة يعتبر عملت الي عليك عملت صفحة opt in وعملت صفحة الاوفر الي هي Thanks page كدة انت بدات تبني بيزنس اونلاين هينجح معاك باذن الله والقائمة هبتدا تزيد وكل يوم هيجيلك ناس واللسته بتاعتك هتبدا تكبر ..وكل ما القائمة البريدية تزيد الفلوس والارباح بتاعتك هتزيد لان العملاء الي هيشتروا منك بعد كدة هيكونوا من اللسته دي .. لان الشغل الحقيقي هو الايميل ماركتينج ودة الي بيبني بيزنس اونلاين ناجح ومستمر في الربح

 

الناس الي دخلت اللسته دي هيحصل معاهم ايه ؟ هتبدا تبعت سلسلة من الايميلات الي هي معموله مسبقا علي السوفت وير مش شرط فانل زيرو اي سوفت وير ايميلات عموما يعني

1-تبدا تبعت سلسلة من الايميلات : لما اي عميل يدخل جديد هتضيف له Tag بتقسم العملاء بتوعك لفئات . عميل سجل في كورس برمجه يبقي هو مهتم بالمجال دة وهكذا..

2-ارسال ايميلات: هتبدا بعد كدة في خطوة ارسال ايميلات .. الايميل الاول والثاني والثالت وهكذا.. وبين كل ايميل والتاني بيكون فية فرق يوم .. ومحتوي الايميلات دي بيكون تعليمية سواء انت كنت عاملة علي اليوتيوب او المدونه بتاعتك او علي الفيس بوك .. بتاخد المحتوي دة وتحولة الي ايميل ولكن يكون بصيغة كويس وجذابة

ومن الايميل التالت او الرابع تبدا تبيع وتعرض منتجاتك المدفوعه بعد كدة لان العميل خلاص شاف الحاجة المجانية بتاعتك واقتنع بيها وتبدا تعرض علية الحاجة الي انت بتبيعها بيزنس اونلاين الخاص بك سواؤ كوتشينج او كورس او خدمة معينة ديجيتال

4-عامل الخوف عنصر مهم لزيادة مبيعات  (Deadline funnel) بيزنس اونلاين

هي فانل عبارة عن زمن او عداد فية ايام و ساعات ودقائق – هذا العرض اقترب علي الانتهاء وانت اكيد شاهدتها في صفحات بيع كثيرة زي امازون ونون ان العرضة هينتهي خلال 7 ايام او خلال فترة محدودة. فلو انت بتبيع كورسات اونلاين او خدمات بتقدمها لو استخدمت العنصر دة هتقدر يعمل زيادة مبيعاتك بنسبة تصل الي 50% طب ايه السبب برضة ؟ طبعا خبراء الماركيتنج عالميا والمسوقين جربوا الحجات دي وعملوا دراسات كبيرة ونظريات نفسية عشان نطلع بالنتيجة دي

مثال : لية الشباب قبل العيد بيوم كلهم بيروحوا عند الحلاق اشمعني اليوم دة بالذات؟ مهو انت عندك قبل العيد باسبوع او 10 ايام لية بيزنق نفسة في اخر يوم ؟ السر في الاولويات الانسان بيحب يعمل اولويات في حياته لو ادامك اسبوع هتقول خلاص انا هروح اخر يوم في الاسبوع احلق دة لسة العيد بدري

مثال اخر : الطالب عارف ان بعد 3 شهور في امتحان بس مبيذاكرش بيجي برضه علي اخر فترة قبل الامتحان عشان يذاكر طب لية بيعمل كدة ؟ المنطق بتاعة بيقول دة لسة بدري انا هذاكر خفيف في الاول وقبل الامتحانت بفترة صغيره هجتهد واذاكر كويس مع انه لو مشي واحدة واحدة من اول سنه وذاكر اليوم بيومه كان هيرتاح في الفترة الاخيره قبل الامتحان … طبعا مش كل الناس بتفكر كدة لكن 90% من الناس تفكيرها بيبقي كدة

نفس الكلام لو هنتكلم عن الموظف اللي في شغل وهو عنده المدير بيقولة يخلص مهمة معينة او ريبورت يخلصها في اخر الاسبوع تكون عملت التقرير . هل هيخلص المهمة دي في نفسة اليوم الي مدير قالة يخلصها فيها ؟ بنسبة كبيرة جدا لا هيعملها في اخر الاسبوع ويعطل نفسة ويعطل المدير بتاعة في الشغل

طب ليه الناس دي بتعمل كدة ؟ الاجابة ببساطة انها حاجة في طبيعة البشر (اولويات) دي لسة ادامها اسبوع خلاص اركنها لدوقتي

طيب ايه المبدا في العداد الي بيكون في الصفحة البيع – دة مهم جدا انت كدة بتساعد العميل بتاعك وبتديلة فرصة انه ياخد قرار دلوقتي حالا. ودي اهم فانل تقدر تنفذها لبناء بيزنس اونلاين ناجح

Disclosure: I am an independent HighLevel Affiliate, not an employee. I receive referral payments from HighLevel. The opinions expressed here are my own and are not official statements of HighLevel.