افضل طرق زيادة المبيعات بهذه الفكرة الرهيبة
هكلمك في البودكاست دة عن افضل طريقة تقدر بيها تعمل علي زيادة المبيعات في البيزنس الخاص بك
1-كيف تعمل علي زيادة المبيعات الخاصة بك بهذة الفكرة البسيطة
هاكلمك النهارده في جزء مهم جدا ممكن انت بتغفله في الشغل بتاعك ولكن انت بتشوفه حواليك باستمرار ومش واخد بالك منه ايه؟ هو احيانا بتدخل جوا مطعم مثلا تمام وبتفتح المنيو بتشوف اسعار الوجبات اللي موجودة بتلاقي الرينج بتاعها ماشي في رينج معين يعني رينج واضح …ولكن فجاة بتلاقي حاجة خمس اضعاف مثلا او 10 اضعاف في الحاجات العادية ايه السبب ؟ الراجل ده عامل حاجة زي كده ليه يعني مثلا رينج الحاجات الموجودة 200 او 300 تلاقي حاجة مثلا 1000 ايه ده ؟وهل ده منطقي ولا لا؟
طيب تدخل تحجز مثلا غرفة في فندق بتلاقي في غرف بسعر معين وفي غرفة في مكان معين وفيها مميزات معينة 10 اضعاف السعر طب اية الموضوع؟ بتحجز تذاكر طيران بتلاقي في رينج معين للتذاكر وفي حاجة فيرست كلاس 10 اضعاف السعر العادي تمام ؟ وقيس على كده بقى كل حاجة في الدنيا من اصغر مطعم جنب بيتك لغاية اكبر براند في الدنيا بيعمل القصة دي . بيعملك حاجة اسمها بريميوم برودكت حاجة بريميوم او الترا بريميوم كمان حاجة غالية جدا مقارنة بباقي الحاجات ولكن هما بيمشو هنا على مبدا ال ايه ال 80 / 20
2- ما هي قاعدة 80/20 وايه سر قوتها في زيادة المبيعات
وله اسم اخر باريتو علي اسم العالم الايطالي المبدا ده بيقولك ان في البيزنس وفي التسويق عموما 80% من النتائج بيجي من 20% من الحجات الي انت بتعملها.. يعني انت بتعمل حاجات كتيرة بتسوق بتعمل مش عارف ايه 20% بس من الحاجات اللي بتعملها هي اللي بتجيبلك النتائج 80 % … مثلا من زيادة المبيعات من الريفنيو بتاع الشركة بيجي من ال20 في ال100 بس من ال بتوعها يعني العملاء ال20 في ال100 من العملاء بتوع الشركة هما اللي بيتسببو في ايه في80 % من زيادة المبيعات
يعني 80 % من باقي العملاء دول مش بيعملو لا بيعملو برضه لكن المصدر الرئيسي للشركة الارباح الشركة بيجي من 20% بس من العملاء بتوعهم اللي هو مسميهم ايه Top Customer بمعنى كده ايه معنى كده ان انت لو ركزت على ال%20 في من العملاء بتوعك هتزود ارباحك بشكل خيالي!! تخيل انت ممكن تفتكر تقول لا ازاي يعني انا اسيب80 % من العملاء واركز 20% في العملاء ايوه لان ال20 % من العملاء دول دول Premium دول اللي بيجيولك الدخل الكبير جدا
3- قوة ال Premium option في زيادة المبيعات
واللي كل الشركات بتمشي بالموديل ده يبقى معنى كده ان انت لازم تكون موفر حاجة اسمها Premium option او خيار الحاجة الغالية لو انت مش عاملها في البيزنس بتاعك فانت خسران زي ما قلتلك 80% من الارباح بتاعتك تمام انت مثلا ماشي برينج معين للاسعار هنقول مثلا : كخدمة كورسات مثلا او استشارات عندك كورس مثلا 50 دولار كورس 100 دولار لازم تكون عامل حاجة اسمها كوتشينج 1000دولار ايوه 2000 دولار واكتر كمان هل في حد هيجيلك كده طبعا مش كل الناس هتجيلك ولكن
بعض الناس هتجيلك خلي بالك من بعض دي حط عليها 100 خط بعض الناس هتجيلك تمام .. وبعد كده هتكتشف ان الحاجة ال premium بتاعتك اللي انت عاملها هي بالفعل المؤثرة في النتائج بتاعتك وهي فعلا هتجيبلك80 % من ارباحك هيجيلك من الحاجة الترا بريميوم او البريميوم اللي انت بتبيعها الخدمة المميزة اللي انت بتعملها ده اللي هيعملك الفرق الكبير في زيادة المبيعات بتاعتك طب هتقولي هو في حد فعلا عايز يشتري الحاجة الغالية ليه ما المنتج او الاوفر الرخيص موجود ؟
اقولك هي الدنيا كده في ناس حابة تبقى هي المعاملة المميزة عايز احسن حاجة موجودة ..ايفون نزل عايز ايفون برو ماكس ماك نزل ماك برو عايز كل حاجة المفضلة ليه هو ..هو معاه الفلوس اللي يقدر يشتري بيها فعايز يكون مميز عن الاخرين موديل العربية ينزل يجيب موديل السنة دي تمام في ناس عندها الامكانية كده وفي ناس بتحب كده وده ده مش هيقولك غلط او صح هو في ناس طبيعتها كده
انا بالنسبة لي بحب الحاجة الجودة بتاعتها عالية بحب الحاجة المميزة خلاص يبقى ده الاوفر لازم يكون متاح الاوبشن ده لو مش متاح عندك هيروح لغيرك هيروح للمنافس بتاعك ويجيبه. فانت لو مش عملت الاوفر اساسا موجود في البداية انت كده ضيعت عليك فرصة كبيرة جدا الناس دي تدخل معاك في الحاجة البريميوم اللي انت متقدمها تمام
4- اول خطوة تقوم بيها حاليا زيادة المبيعات
فاذا لازم تشوف دلوقتي البيزنس بتاعك حاليا هل انت مقدم البريميوم اوفر ولا لا هل انت عندك الحاجة اللي هي اسعارها من 10 x ممكن توصل x 100 برودكس بتاعتك ولا لا بتبيع حاجات100 200 عندك حاجة 2000 و3000 و 4000 ؟ قيس على كده وامشي على كده على طول تمام لان هيجيلك ناس بعض الناس هيجي يشترو منك الحاجة اللي انت عاملها 10 اضعاف المنتج العادي بتاعك
هيجيلك ناس عايزين منك الخدمة المميزة دي تمام وده اللي انت عايزه انت مش عايز كل الناس طبعا … لا انت عايز بعض الناس بالعكس انت كمان هتختار مين اللي يجيلك في الخدمة دي يعني
كمثال خدمة الكوتشينج مثلا عندي انا بختار الناس يعني بعمل زي Document كده على جوجل يملى البيانات يحط بياناته بقوله اسئلة كوتشينج يعني لاسئلة معينة بحيث اعرف منها دماغ اللي عايز يسجل في الكوتشينج ده وانا اقبل او ارفض كمان .. شفت هتوصل لايه او هتوصل لكده تمام ان انت مش اي حد كمان هتجيبه في الموضوع ده لان في ناس هتجيلك مش مهتمة بس عايزة ايه تفهم الموضوع ماشي ازاي او يعني هو اصلا مش مهتم يشترك بس بيجرب يعني في ناس كده بتحب ايه تلعب تمام
فانت هيجيلك وقت كمان ان انت تحدد الناس اللي تسجل في الكوتشينج او الحاجة الغالية يعني بغض النظر هي كوتشينج او ايه يعني في زيادة المبيعات انت حتى لو انت المنتجات اللي هي الغير الرقمية يعني نفس المبدا على فكرة بيمشي فيها بالضبط ولكن هيجيلك وقت وانت تحدد كمان مين اللي يسجل معاك او مين اللي يشترك معاك في الحاجة البريميوم دي اه او لا وترفض ولا لا حسب وقتك
يعني في اوقات معينة هتلاقي نفسك انت ما عندكش وقت اساسا تعمل للحاجة البريميوم لكل الناس هتختار عدد معين زي الناس بتفتح الكوتشينج مثلا كل ربع سنة بيفتح الكوتشينج لعدد معين محدود مقاعد محدودة طبعا السعر بيكون عالي فمقاعد محدودة جدا فاذا عرض وطلب هتلاقي في وقت معين في البداية طبعا مش لاقي الموضوع مش ماشي معاك لو انت لسه اول مرة تعمله
ولكن مع الوقت هتلاقي نفسك هيجيلك وقت معين تقولي انا ما عنديش وقت اساسا ان انا اعمل الحاجة بريميوم دي هتبقى حاجة بريميوم جدا وعدد محدود جدا من الناس وبتقفله كمان مش طول السنة مفتوح فاذا لازم تحط في اعتبارك الاوبشن ده هيساعدك كتير في زيادة المبيعات البزنس الخاص بيك
لو عاوز تتعلم اكتر :محاضرة مجانية كيف تحول مهاراتك الي مصدر دخل اونلاين
🔽اضغط علي الرابط التالي 🔽
https://go.kareemwael.com/opt-in
