ازاي تفشل في بيع saas 10 اخطاء شائعة يجب تجنبها

في المقالة دي هكلمك على شويه حاجات لو انت مشيت وراها سواء في بيع saas او المنتج الرقمي بتاعك هتفشل ومش هتبيع اي حاجه. طبعا ليه بنقول كده؟ لان اغلب الناس لو اقول لهم ايه الحاجات اللي انت هتمشي عليها ما بيمشيش عليها. فتعال اقول لك الحاجات اللي هم غالبا بيمشوا بيها وسبب الفشل بتاعهم في بيع saas سواء بقى gohighlevel او بيع اي برمجيات اخري.

 

1- فشل بيع Saas انك تركز علي البيع لكل الناس

بيع لكل الناس يعني مش بتركز على  Niche معينة لا انت فاتحها لاي اي حد. “السوفت وير بتاعي لجميع الناس للاطباء والمدربين وكل الناس”! ده هينفع؟ لا لازم تعمل نيتش. احنا بنقول في حاجه اسمها مايكرو نيتش كمان يعني نيتش جوه النيتش نفسها.

لكن انت فاكر او الناس فاكره ايه ان هو كل ما يكبر الدايرة بتاعته، الناس اللي ممكن تستفيد من البرنامج بتاعه، ان هو هيبيع اكتر. ولكن هو في الحقيقه مش هيبيع خالص لانه مش هيعمل مايكرو نيتش او مش محدد الناس المعينين اللي هو عايز يبيع لهم  السوفت وير …

ده انا مثلا ببيع السوفت وير بتاعي لجميع المدربين المتخصصين في بيع الكورسات الفلانيه. فانت بتعمل نيتش لحاجه معينه. المنتج بتاعي للعيادات، عيادات ايه؟ عيادات مثلا اللي هم متخصصين في الجزئية الفلانيه. تمام. المنتج بتاعي اللي بتوع الجيم فقط تمام. وهكذا. فاذا لو ركزت على كل الناس ده اول طريق للفشل.

2- فشل بيع saas تنافس على السعر.

الحاجه الثانيه اللي انت لو عملتها هتفشل في بيع الساس بتاعك ان انت تنافس على السعر. شوف المنافسين بتوعك بيبيعوا بكام؟ بيبيعوا ب 200 دولار في الشهر هبيع انا ب 100. بيبيعوا ب 100 هبيع انا ب 50.هخليه Free لفتره تجريبيه وبعد كده هبيع.

كل ما انت بتنافس على السعر كل ما انت هتفشل اكتر. كل ما تنافس على السعر هتجيب Cheap customers… الناس دي هتلغي الاشتراك بتاعها كل فتره. ليه؟ لانهم اصلا مش عقليه بيزنس  فالساس بتاعك ده هيفيدهم اه لكن هم مش دلوقتي مش هيستفيد منهم دلوقتي انت عايز حد فاهم هو عايز البرنامج ده ليه. فلما انت بتقلل السعر هتجذب الناس اللي هم اصلا مش مهتمين  بالبيزنس بتاعك. فاذا هتنافس على السعر هتفشل.

3- فشل بيع saas عدم بناء براند

الحاجه الثالثه اللي هكلمك فيها لو انت عايز تفشل برده ان انت ما تعملش براند للساس بتاعك. يعني اي حاجه كده سمي saas بتاعك اي حاجه تمام. ما تعملش ليه بصمة معينه او logo معينه او content معين بتنزله بصيغه معينه البراندنج المعروف. يعني خصائص البراندنج ما تعملهاش، خلي الموضوع كده عشوائي من غير ما تعمل اصلا لا صفحه يوتيوب ولا صفحه فيس ولا اي حاجه.

انت بتبعت على الشات للناس وبتقول لهم براند بتاعي كذا من غير ما يكون في براند. فاذا برده الطريق السريع للفشل ان انت ما تعملش branding للخدمة بتاعتك

4- فشل بيع saas عمل كل حاجة بنفسك

الحاجه الرابعه اللي انت لو عملتها برده هتفشل ان انت تعمل كل حاجه بنفسك. تعمل onboarding للعملاء بتوعك لنفسك، تعمل لهم الفيديوهات بنفسك، تعمل لهم الاوتوميشن والسيت اب بتاع الاكونت بتاعهم، وsupport والدعم الفني تبقى انت الراجل بتاع كل حاجه..
ده اول واسرع طريقه للفشل. انك انت مش هتكمل بالطريقه دي ومع الوقت هتلاقي نفسك زهقت ومش قادر تكمل اصلا.

5- فشل بيع saas تعتقد إن الأداة تبيع نفسها:

الحاجه الخامسه ان انت تفتكر ان الاداه بتبيع نفسها. تقول اداه هاي ليفل دي اداه قويه جدا، فيها الاوتوميشن وفيها CRM وفيها Conversation tab وفيها ربط حسابات الفيسبوك واسترايب payment وفيها ايه ده كله، ده فيها كل حاجه مش محتاجه ابيعها.

هي بتبيع نفسها …هتفشل!!
. ما فيش حاجه بتبيع نفسها. اكبر منتج في العالم لازم خطوات تمشي عليها، فما تفتكرش ان المنتج بتاعك قوي جدا وفي كل خصائص معنى كده ان العميل هيجي لك على طول على طبق من ذهب ويشتري منك الاداه بتاعتك.لا الدنيا مش بتمشي كده.

6- فشل بيع saas عدم عمل onboarding للعملاء:

الحاجه  اللي هكلمك فيها، ان انت ما تعملش onboarding  للعملاء بتوعك. هو السوفت فقط !! هيشتري السوفت وير هيتبعت له ايميل في اللينك بتاع الدخول، الراجل ده هيدخل هيشتغل على المنصه على طول؟ لاطبعا

دة هيحتاج فيديوهات تعليميه  هيحتاج ان انت تعمل له اون بوردن كولز مثلا في حاله منصات زي جو هاي ليفل او منصات اللي هي المعقده شويه، و تعمل له خطوات مثلا على الايميلات تبعت له رسائل معينه، ايه الخطوات اللي هيمشي بيها بالترتيب وكدة..

لا انت سايب العميل كده مع نفسه، الراجل ده هيفتح الايميل يشتري منك السوفت وير هيدخل وهو هيتعامل!!  لا العميل هيدخل هيلاقي نفسه مش فاهم حاجه هيتعقد من الأداة وهيعمل cancel ويقول لك اعمل لي Refund

7- فشل بيع saas بيع الأداة مرة واحدة بدون اشتراكات

الحاجه السابعه الي هكلمك فيها هي بيع الاداة مرة واحدة بدون اشتراكات! واللي هي كارثه وخطيره. وناس كتير بتعمل الموضوع ده للاسف في الوطن العربي. ان هو يبيع لك الاداه one time لمرة واحدة.

يعني الاداه مثلا في الموقع الرسمي للشركه جو هاي ليفل اقل باقه 100 دولار في الشهر. بشوف ناس في الوطن العربي يشتري هو الاداه او يشترك فيها من خلال هاي ليفل ويبيعها لناس عشان يجيب مبيعات. في الاول يقول فيقولك  لا انا هبيعها وان تايم 500 دولار مدى الحياة.!! ازاي الكلام ده؟ انت فاهم انت بتعمل ايه؟ انت بتدمر نفسك.

تمام ازاي الكلام ده؟ انت فاهم انت بتعمل ايه؟ انت بتدمر نفسك. طب ليه؟ هتقول لي: “لا، انا في الاول هجيب شويه مبيعات وأبيع مثلاً 500 دولار وأجيب 100 عميل، هكسب 50,000 دولار”. الحسابات دي وهمية.

أولاً، عشان تعمل دعم للعملاء اللي هيجواك دول، اللي هما one time payment زي ما انت بتقول، انت هتصرف على دعم فني support. يعني هتجيب موظفين، تدربهم عندك أو تشترك معwhitelabel support ودي تكاليفها كبيرة.

هل هتعرف توازن بين التكاليف دي ولا لا ؟ والعملاء بتوعك لو العميل دفع لك دولار واحد فقط، هو عايز دعم. انت هتعطية الاداة مرة واحدة، وفي نفس الوقت انت بتصرف على اعلانات ومحتوى لجذب العملاء. سواء عن طريق اعلانات أو organic content ، انت كده بتصرف فلوس.

لو حسبت الحسبة، هتلاقي نفسك بعد شهرين أو ثلاثة الموضوع فشل، وللأسف هتكون مطالب بتعويضات للناس اللي اشتركت معاك، لأنك مش هتكمل البيزنس بالطريقة دي. مفيش بيزنس بيمشي كده.

الشركات اللي عملت الطريقة دي فشلت كلها وماكملتش. مفيش شركة بتكمل لما تبيع الساس مرة واحدة وتقول “هبيع 50 عميل في البداية”. أمثلة كتير في الوطن العربي، عملوا كده ووقفوا خالص. بالعقل مفيش حد هيكسب أو هيكمل بالطريقة دي. انت عايز مكسب سريع في البداية، لكن مش هتكمل.

اذا، طريق الفشل برده هو انك تبيع الاداة بتاعتك مش باشتراك شهري، وتبيعها وان تايم بايمنت في البداية. هيبقى معاك البرنامج مرة واحدة بس، ومش هتقدر تستمر.

8- فشل بيع saas  بيع الأداة مرة واحدة بدون اشتراكات

الحاجه الثامنه بعد كده ان انت تحط في دماغك تسال نفسك ” هو هيجي يشتري مني انا ليه؟” ما هيروح يشتري من هاي ليفل؟ وتحط المقارنه دي قدامك على طول. كل ما انت تعمل حاجه سواء بقى هاي ليفل او غيره، اي خدمه بتعمل وايت ليبل يعني …ما فيش حاجه كده،

انت اكيد بتقدم حاجات ثانيه اضافيه للعميل ده عشان يجي يشترك معاك انت ما هو انا جاي لي عملاء كتير، ليه؟ بيقول انا مش بيروح الهاي ليفل مباشره، مع ان انا واخد وايت ليبل من هاي ليفل، لان انا بقدم حاجات ثانيه، بقدم فيديوهات شرح المنصه مش موجوده في هاي ليفل، بقدم الدعم للعملاء .. الحاجات المهمه داخل المنصه اللي هو هيشوفها هيشوفها عندي مش هيلاقيها في highlevel.

9- فشل بيع saas عرض جميع الخصائص للعميل :

الحاجه اللي بعد كده اللي انت ممكن تغلط فيها عشان برده تفشل، ان انت تعمل كل Features الموجوده في الساس وتعرضها للعميل بتاعك حتى لو العميل مش عايزها.

يعني مثلا انت عميل شغال مثلا عنده محل، ماشي، فانت عايز تبيع له CRM مثلا عايز تبيع له SMS ، تبيع له جزئيه الرسائل النصية
، تبيع له حاجه واحده. لكن تبيع له البايب لاين والاوتوميشن والايميل ماركتنج و …..

هو مش عايز الحاجات دي كلها، مش عايز كل ده هو عايز حاجه واحده. انت لو اقنعت العميل بخاصية واحدة او اثنين هيشتري منك الاداة، لكن لو رصيت له صفحه كده فيها 100 خاصية، عشان تقعد تبيع للناس هتقعد تشرح لهم 100 خاصية؟ دي يبقى انت كده مفيش حد هيبص لك،

مفيش عميل واحد هيكمل معاك العرض او البريزنتيشن اللي انت عاملها اصلا ..انت شوف عميلك عايز ايه وتقول له الحاجتين ثلاثه، يعني الاهم حاجتين هو عايزهم موجودين في الأداة وتقنعه بيهم  فالاقناع مش بالكمية زي ما الناس برده فاكره

ان انت كل ما تزود له الخصائص كل ما هيقول لك تمام؟ لا بالعكس. ده هو كده هيقول لك ايه الكلام ده الكلام ده مش مناسبني. لكن لو تقول له هاي ليفل بتعمل لك 1 2 3 ،  دول هيخلوا البيزنس بتاعك من مكان ده يروح لمكان ثاني، ومبيعاتك هتزيد.

10- سوف تفقد الامل في النهاية:

الحاجه الاخيره هكلمك فيها ان انت هتفقد الامل. بعد شهرين تقريبا او ثلاث شهور اغلب الناس بالفعل بيبقوا كده بيجوا لي في الاستشارات ان هو قعد شهرين ثلاثه اشترك في المنصه، وعمل اعلانات، وعمل موقع، وصرف كل فلوسه على حاجات مالهاش لازمه،
للاسف.

وفي الاخر ما فيش ولا عميل اشترك منه. فانت في النهايه هتعمل ايه؟ بعد شهرين ثلاثه هتلغي الشراكه وتقول ده موضوع فاشل، ان، وتدخل على فكره جديده. هو ده اللي بيحصل مع اغلب الناس اللي داخله جديد في موضوع جو هاي ليفل او موضوع saas عموما،

مش فاهمين المبادئ ماشيه ازاي، جت له فكره في دماغه، فعايز ينفذها كده من غير ما يدرس، من غير ما يشوف الموضوع ماشي ازاي. 

انت المفروض تبني على الفكره الاول، شوف هل في عملاء ممكن يشتروا منك ولا لا. مش تقعد تعمل تهتم بالحاجات الخارجيه، ولكن المضمون بتاعك فاضي. هل عندك onboarding  لا. هل انت فاهم المنصه؟ لا. هل انت عندك فيديوهات شرح للناس اللي هتدخل تعمل لهم عرض كويس انهم يشتركوا في منصه؟ لا.

انت نفسك مش فاهم التعقيدات بتاعه المنصه. هتشرحها لعملائك ازاي؟ ايه الخطه اللي انت هتعملها بعد شهر، وبعد شهرين، وبعد ثلاثه. هتمشي اعلانات ولا هتمشي محتوي فقط ؟انت ما عندكش المبادئ دي .. انت دلوقتي اكيد عرفت لية 90% فعلا من الناس اللي بتدخل في المجال ده ما بيكملش بعد كده بعد شهرين او ثلاثه بيقف ما يكملش لانه ما جابش العملاء الكافيين، بيصرف كتير، ومش بيجيلة
دخل.

اتمنى تكونوا فهمتوا مضمون الكلام اللي انا قلته في المقال ده. ما حدش يزعل مني اكيد الكلام ده ممكن يبقى صادم لناس كتير بس هي دي الحقيقه.

يعني ده اللي انا بشوفه يوميا على الناس اللي بتجيلنا على أستشارات علي الموقع عندنا. اغلب الناس اللي داخله Saas ممكن اقول لك اكتر من 90% كمان منهم فشل الموضوع معاهم، مع انه الفكره حلوه تمام.

الفكره كويسه لكن هم مش عندهم العقليه بتاعه البيزنس. الغلطات اللي انا قلتها لك في المقالة دي ممكن تكون انت ممكن تقع فيها بعد كده او بتفكر تعملها. لا خلي بالك ركز في الفيديو ثاني وراجعه مره ثانيه. الفيديو ده ممكن يوفر عليك فلوس كتير جدا ويوفر عليك وقت كبير جدا. لو انت عندك فكره الساس دي في دماغك وعايز تمشي بالحاجات دي

طبعا عايز تنجح في الموضوع امشي بالصح، طبق الصح اللي انا قلت لك عليه. الحاجات اللي انا قلت لك عليه، الخطوات دي لو مشيت عليها غلط هتبقى زي اغلب الناس، 90% منهم مش هيكمل، لكن لو مشيت بالصح بالخطوات دي، درست الموضوع كويس وعملت خطه كويسه في البزنس بتاعك، بنسبه كبيره ان شاء الله هتكمل.

 

 

للتسجيل بمنصة هاي ليفل والحصول علي 30 يوم فترة مجانية ( تاكد من عدم وجود اد بلوكر اثناء التسجيل)
: https://www.gohighlevel.com/30-day-trial?fp_ref=karim40

👇للحصول علي كورس مجاني شرح منصة هاي لفل 👇
https://go.kareemwael.com/ghl

Disclosure: I am an independent HighLevel Affiliate, not an employee. I receive referral payments from HighLevel. The opinions expressed here are my own and are not official statements of HighLevel.