هنتكلم في المقالة دي عن الخطوات لبناء منتج رقمي بدون راس مال وكيف تحول خبراتك ومهاراتك الي منتج يطلبه الناس وتبيع خدمتك اونلاين ممكن تكون عندك موهبه او هواية معينه ومتمكن فيها .. ايه رايك ان الناس ممكن تدفعلك فلوس عشان تعملهم الخدمة دي ؟

---

 

لمشاهدة فيديو هذة المقالة

1-عشان تبيع خدمتك لا تحتاج الي راس مال 

 

لو انت مثلا مدرس انجليزي ازاي تقدر تستفيد من التدريس بتاعك وتحولة الي منتج رقمي وتبيع خدمتك علي الانترنت – ممكن تعمل كورسات تعليمية بالانجليزي وتسجل فيديوهات وانت في بيتك وترفعها علي موقعك الخاص وتبدا تنشر المحتوي بتاعك عشان الناس تعرفك وتوصلك والناس تكون حابة تتعلم منك

لو انت محامي مثلا تبيع خدمتك تكون عبارة عن استشارات اونلاين الساعه مثلا 30 دولار مدتها 45 دقيقة علي برنامج زووم بحيث العميل يستشيرك في المشكلة بتاعته وانت تديلة النصائح وانت قاعد في بيتك او مكتبك

لو انت مبرمج ومتمكن في البرمجة وعاوز تعلم الناس وتديهم خبراتك في المجال – تعمل كورس مثلا 10 فيديوهات خاص بتعمل جزئية او مشكلة معينة في البرمجة وتضعه علي الموقع بتاعك وتفتح قناة علي اليوتيوب وصفحة علي الفيس وتبدا تنزل محتوي يومي علي البرمجة لحد ما الناس تعرفك وتجيلك علي الموقع بتاعك – والي حابب يتعلم منك هيشترك في كورساتك

اي مجال بقي بيمشي علية نفس النظام – تقدر تبيع خدمتك الي كورس اونلاين مهما كان المجال او الهواية الي انت بارع فيها لان مجال المنتجات الرقمية حاليا في ناس بتعمل منه ملايين الدولارات سنويا من خلال بيع خدمتك الي هي منتج غير ملموس الي عباره عن خبرات مختلفة عن التاني لان كل انسان مميز في حاجة معينة

2-طيب لو انا عندي هواية ازاي تبيع خدمتك فيها ؟

لو انت بتعزف موسيقي علي الجيتار مثلا تقدر تكسب فلوس اونلاين من خلالها وفي ناس كتير مشاهير بيعملوا ملايين الدولارت سنويا عن طريق كورسات مسجلة سعره مثلا 20 دولار بيعلمك ازاي تعزف علي الجيتار – او تعمل خدمة التدريب الشخصي 1:1 يعني المتدرب هيبقي معاك لايف اونلاين يتعلم منك ودي طبعا بتكون سعرها اغلي بكتير من الكورس المسجل تصل الي 10 اضعاف يعني لو بتبيع الكورس ب 100 دولار ممكن يوصل التدريب الشخصي الي 1000 دولار

عشان تعمل كورس اونلاين او منتج رقمي مش هتحتاج مصاريف كثيرة يعتبر مصاريف فتح الموقع والدومين بسيط جدا ومش محتاج راس مال يعني

غير لما تكون عاوز تفتح مشروع علي ارض الواقع بيبقي مجازفة كبيرة ومحتاج راس مال ضخم وفي احتمالية انك تخسر راس مالك كله – لكن الامر مختلف في مجال المنتجات الرقمية -انت لو بدات النهاردة مش هتخسر حاجة , الخسارة الحقيقية انك في 2024 ولسة مش بدات في مجال المنتجات الرقمية لان المجال دة في تصاعد مستمر وهو المستقبل الحقيقي

3-ما هي الخطوات التي يجب ان تبدا بها حتي تبيع خدمتك؟

1- كل الي انت هتعملة اشياء بسيطة جدا انت هتعمل الكورس بتاعك او الخدمة بتاعتك وهتتعب فيه مرة واحد بس وهترفعه علي الموقع بتاعك

2-الحاجة الي هتعملها باستمرار بقي والي هتعلمها يوميا هي المحتوي Content تنزل باستمرار سواء كل اسبوع او كل 3 ايام ايا كان الفترة الي تحددها تنزل المحتوي علي اليوتيوب والفيس بوك ومعظم منصات السوشيال ميديا عشان الناس تبدا تتعرف عليك وتعمل قاعدة جماهيرية

👇دي بعض النصائح المهمة عشان تقدرتبيع خدمتك وتسوق لنفسك👇

1. إنشاء محتوى جذاب:

• انشر محتوى مفيد وقيم يرتبط بموضوع الكورس.
• استخدم مقاطع الفيديو والصور والرسومات لجذب انتباه الناس.
• اطرح أسئلة تفاعلية لخلق نقاش حول موضوع الكورس.
• شارك قصص النجاح لطلابك السابقين.

2. استخدم هاشتاجات مناسبة:

• استخدم هاشتاجات مرتبطة بموضوع الكورس وجمهورك المستهدف.
• استخدم هاشتاجات شائعة لجذب المزيد من الناس إلى محتواك.

3. انضم إلى مجموعات فيسبوك مرتبطة بالمجال الي انت بتقدمة:

• شارك محتوى الكورس مع أعضاء المجموعة.
• أجب على أسئلة الأعضاء المتعلقة بموضوع الكورس.
• قدم عروضًا خاصة لأعضاء المجموعة.

4. تواصل مع المؤثرين والمشاهير في مجال الكورس:

• اطلب منهم الترويج للكورس على صفحاتهم.
• قدم لهم عروضًا خاصة مقابل الترويج للكورس.

5. استخدم الإعلانات المدفوعة:

• استخدم إعلانات Facebook و Instagram و YouTube لجذب انتباه الناس إلى الكورس.
• اختار جمهورك المستهدف بدقة في إعلاناتك.

6. قم ببناء قائمة بريد إلكتروني:

• اطلب من الأشخاص الذين يهتمون بالكورس الاشتراك في قائمتك البريدية.
•  أرسل لهم رسائل إلكترونية بهي محتوي باستمرار.
• قدم لهم عروضًا خاصة عبر الايميل

4-ليه الناس اصلا بتشتري كورسات اونلاين وزاي تقدر تبيع خدمتك ؟ 

خلي بالك ان العميل الي هيجيلك مش صحي من النوم فجاة وقال انا هروح اشتري كورس .. لا الفكرة ببساطة انه عنده مشكلة وانت دورك انك بتحل المشكلة دي لان كل مجال فيه صعوبات ومشاكل بتواجة العميل لو انت مثلا فاهم ومتمكن من برنامج زي الفوتوشوب مثلا في ناس بتواجة صعوبات كتير في التعامل مع البرنامج دة يبقي انت ممكن تشرح البرنامج باسهل طريقة وباسلوب بسيط يجعل العميل ينجذب لطريقة شرحك ويقول انا عاوز اتعلم من الراجل دة ويشترك معاك في الكورس

لان العميل عاوز ينتقل من نقطة A الي نقطة B باقل وقت ممكن وباقل مجهود – يعني مش شرط يكون الكورس الي انت بتعملة كورس ضخم 50 ساعه ومحاضرة – لا الكورس ممكن يبقي اقل من كدة بكتير 6 ساعات مثلا هتخليك قادر انك تتعلم برنامج كذا او مهارة معينه

لان الناس مش عايزة كورس كبير وطويل ومليان معلومات بالعكس هو عاوز يحل المشكل باقل مجهود ممكن واسرع وقت

•  يبقي انت تعمل الكورس بتاعك تقسمة لفيديوهات كل فيديو 15 الي 25 دقيقة مش اكتر من كدة
• الدروس دي تحطها في الموقع بتاعك ممكن يكون اضافة WordPress تضع عليه الكورسات كلها بتاعتك
• يبدا العميل يدرس الكورس بالترتيب ويفضل وضع ملفات مساعدة مع الكورس زي ملف PDF فيه اهم النقاط الي تكلمت عنها
• لما العميل يخلص الكورس كله يبقي قدر يحل المشكلة بتاعته ووصل للهدف ولو انت حققت للعميل الهدف دة هيبقي عميل دائم مخلص ليك هيتكلم عنك بشكل ايجابي في السوشيال ميديا وهيعملك Testimonial اراء العملاء – الي انت بتحطها في صفحتك وليها دور كبير انها تزود مصداقيتك وترفع معدلات التحويل