تعلم طريقة زيادة مبيعاتك في البيزنس
هنتكلم في المقالة دي عن اداة مهمة جدا لو استخدمتها في عملية البيع لزيادة مبيعاتك لا يعرفها الكثير من اصحاب المواقع والمنتجات الي يخليك تقدر تزيد مبيعاتك بنسبة 50% او اكتر
🔽لمشاهدة فيديو هذة المقالة 🔽
1-عامل الخوف عنصر مهم لزيادة مبيعاتك (Deadline funnel)
هي فانل عبارة عن زمن او عداد فية ايام و ساعات ودقائق – هذا العرض اقترب علي الانتهاء وانت اكيد شاهدتها في صفحات بيع كثيرة زي امازون ونون ان العرضة هينتهي خلال 7 ايام او خلال فترة محدودة. فلو انت بتبيع كورسات اونلاين او خدمات بتقدمها لو استخدمت العنصر دة هتقدر يعمل زيادة مبيعاتك بنسبة تصل الي 50% طب ايه السبب برضة ؟ طبعا خبراء الماركيتنج عالميا والمسوقين جربوا الحجات دي وعملوا دراسات كبيرة ونظريات نفسية عشان نطلع بالنتيجة دي
مثال : لية الشباب قبل العيد بيوم كلهم بيروحوا عند الحلاق اشمعني اليوم دة بالذات؟ مهو انت عندك قبل العيد باسبوع او 10 ايام لية بيزنق نفسة في اخر يوم ؟ السر في الاولويات الانسان بيحب يعمل اولويات في حياته لو ادامك اسبوع هتقول خلاص انا هروح اخر يوم في الاسبوع احلق دة لسة العيد بدري
مثال اخر : الطالب عارف ان بعد 3 شهور في امتحان بس مبيذاكرش بيجي برضه علي اخر فترة قبل الامتحان عشان يذاكر طب لية بيعمل كدة ؟ المنطق بتاعة بيقول دة لسة بدري انا هذاكر خفيف في الاول وقبل الامتحانت بفترة صغيره هجتهد واذاكر كويس مع انه لو مشي واحدة واحدة من اول سنه وذاكر اليوم بيومه كان هيرتاح في الفترة الاخيره قبل الامتحان … طبعا مش كل الناس بتفكر كدة لكن 90% من الناس تفكيرها بيبقي كدة
نفس الكلام لو هنتكلم عن الموظف اللي في شغل وهو عنده المدير بيقولة يخلص مهمة معينة او ريبورت يخلصها في اخر الاسبوع تكون عملت التقرير . هل هيخلص المهمة دي في نفسة اليوم الي مدير قالة يخلصها فيها ؟ بنسبة كبيرة جدا لا هيعملها في اخر الاسبوع ويعطل نفسة ويعطل المدير بتاعة في الشغل
طب ليه الناس دي بتعمل كدة ؟ الاجابة ببساطة انها حاجة في طبيعة البشر (اولويات) دي لسة ادامها اسبوع خلاص اركنها لدوقتي
طيب ايه المبدا في العداد الي بيكون في الصفحة البيع – دة مهم جدا انت كدة بتساعد العميل بتاعك وبتديلة فرصة انه ياخد قرار دلوقتي حالا.
2-عامل السعر عنصر مهم زيادة مبيعاتك
انت بتبيع بسعر معين هتعمل عرض (Discount) لفترة محدودة لو بتبيع كورس ب 97$ مثلا تعمل خصم 50% هيبقي 50 دولار لمدة 3 ايام وهينتهي العرض فعلا يعني مش تضحك علي العميل يجي يدخل علي الصفحة بعد الفترة يلاقي نفس السعر متغيرش ..طب الموضوع دة بيمشي ازاي ؟
دة بيبقي في سيستم الفانل بتاعتك اسمها Evergreen funnel بتبقي عبارة دة عداد كوكيز بينزل علي المتصفح بتاع العميل لما يزور الصفحة وبيتحفظ – والفانل دي بتبقي شغاله لكل عميل علي حدة لو احمد دخل علي الفانل النهاردة هتبقي له 3 ايام وينتهي العرض بالنسبة له
ولو عميل تاني دخل علي الصفحة بعد يومين هيبدا العداد يشتغل بمجرد ما يدخل العميل او الزائر علي الصفحة وبعد كدة يرجع السعر الاصلي مرة اخري
والفانل دي مهمة جدا لان كتيرمن العملاء بيشتكوا ان عندهم مشكلة في البيع والخدمات او الكورسات الي بيبيعها مش عارف يحقق مبيعات كويسة منها ؟
اول حاجة بفكر فيها فكرة العداد في اول الصفحة + خصم معين لمدة محددة وشوف النتيجة هتلاقي المبيعات زادت بشكل كبير جدا بسبب الحاجة البسيطة دي
3-الاتاحة / open , closed
يعني ايه الكلام دة .. يعني تفتح الكورس بتاعك لمدة زمنية معينه اسبوع مثلا وبعد كدة تقفله ودة هيخلي الناس تدخل وتشتري منك قبل انتهاء ال7 ايام لان العميل عارف بمجرد ما تنتهي المدة مش هيعرف يحصل علي المنتج / الخدمه الي بتقدمها سواء انت بتبيع منتجات ملموسة ودي بتعملها الشركات الكبيرة زي امازون (تبقي قطعتين.. ) وهكذا فدة بيفعل عامل الخوف جواك فبتدخل تشتري بسرعه عشان تلحق الفرصة اكيد انت اشتريت حجات قبل كدة مكنتش محتاجها في الوقت الحالي بس خفت انك تفقدها بعد كدة وينتهي العرض …
ممكن تعملها بشكل مختلف لو انت بتقدم كورس اونلاين تقول عدد المقاعد محدود لانك انت عاوز تساعد المتدربين بشكل افضل محتاج مثلا 20 شخص
اذن الخوف من ضياع الفرصة عامل مهم جدا هيخلي الناس تشتري وتعمل زيادة مبعاتك
4-البونص او العروض
حجات اضافية مع المنتج او الخدمه الي بتقدمها … لو انت بتبيع كورس ممكن تعمل معاه خدمة تدريب جلسة مدة 45 دقيقة دة لو العميل سجل في خلال العداد الي انت عاملة في الصفحة فبعد انتهاء الفترة ال3 ايام مثلا
مش هتحصل علي البونص.
ممكن تعمل البونص ورشة عمل او فيديو اضافي او ملفات اكسيل تساعدة في الكورس او المنتج الي اشتراه
فالهدايا الي انت بتقدمها مع الكورس بتكون مرتبطة بالعداد الزمني فبعد انتهاء الوقت مش هتحصل علي الهدايا دي …فالعميل لما يلاقي الهدايا دي مهمة ومفيدة جدا بالنسبة له فهيبدا يفكر وياخد القرارانه يشتري الان
اتمني ان الافكار دي ساعدتك انك تعرف تبدا بيزنس وتقدر تعمل زيادة مبيعاتك بسبب الافكار دي لان الناس بتخاف ان الفرصة تروح منها
والفانل دي ليها أشكال كتير جدا زي انك تبعت ايميلات متتالية لما العميل يدخل علي صفحة البيع ويشوف العداد تعمله فورم اي حاجة مجانية عشان يسجل ايميلة واسمة ويحصل علي الشيء المجاني دة
لو هو خرج من الصفحة ومش اشتري هتبدا تبعتله مجموعه من ايميلات انه يلحق العرض قبل ما يخلص – واكتب محتوي العرض الي هيحصل علية لو اشتري الان… وهكذا ودي طريقة فعالة جدا تقدر تعمل زيادة مبيعاتك بسهولة
